Кыргыз эли өзүнүн меймандостугу жана сөз баккан улуулугу менен башкалардан айырмаланып турат. Акынмын дегендер эле эмес, ар бир кыргыз жамактатып сөз айтып, ыр жандуу. Айтайын дегеним, Турсуналы Матазимов деген ысымды көпчүлүк буга чейин дарыгер катары эле тааныган болсо, окурман журту азыр аны ыр жазган акын катары да жакшы таанышат. Жакында анын калемине таандык “Мен дарыгер” аталыштагы ырлар жыйнагы жарык көрдү. Анда автордун өзүнүн чыныгы турмуштан алынып жазылган ой толгоолору, мааракелик каалоо тилектери жана сатиралык ыр саптары киргизилген.
Archive for Маданият
«Манас» үчилтиги ЮНЕСКОнун Маданий мурастарынын тизмесине Кыргызстандын атынан катталды
Ата-бабалардан баа жеткис байлык катары мураска калган Манас эпосу ЮНЕСКОнун материалдык эмес маданий мурастарынын тизмесине Кыргызстандыктардын атынан катталды. Маалыматка ылайык, ЮНЕСКОнун Өкмөттөр аралык комитетинин кезектеги 8-жыйынында угузулган кубанычтуу кабарды уккан соң кыргызстандык топту баштап барган Жогорку Кеңештин депутаты Карганбек Самаков ЮНЕСКО өкүлдөрүнө ыраазычылыгын билдирди. Ал жерде кыргызстандык кичинекей манасчы Манас айтып, андан ары манасчылар улап кетишти. Азербайжандын Баку шаарында өткөн бул жыйынга 164 мамлекеттин өкүлдөрү катышышты. Бул ийгиликке жетүүдө Жогорку Кеңештин депутаты, ЮНЕСКО иштери боюнча Улуттук комиссияны жетектеп барган Карганбек Самаков баштаган топтун эмгеги чоң экенин белгилеген Жогорку Кеңештин төрагасы А.Жээнбеков кыргыздын маданий элчиси катары анын ат көтөргүс иш жасаганын баса белгилеп, жалпы кыргызстандыктарды бул сыймыктуу окуя менен куттуктады.
Чыңгыз Айтматовдун туулганына 85 жыл
Ош мамлекеттик юридикалык инстиутутунда залкар жазуучу Чыңгыз Айтматовдун өмүр жолу жана чыгармачылык дүйнөсүнө арналган тегерек стол уюштурулду. Мында катышкан студенттер менен мугалимдер жазуучунун басып өткөн өрнөктүү өмүр жолу жана терең мазмундуу чыгармалары боюнча ой бөлүштү. Айрыкча чыгармаларындагы патриотизм, гуманизм темаларындагы образдар боюнча кызуу талкуулар жургузүлдү. Бул күнү катышуучулар Айтматовдун чыгармаларындагы каарамандарды чагылдырган сүрөттөрдүн көргөзмөсүнө да күбө болушту.
Аялуу балдар жардамга муктаж
Мүмкүнчүлүгү чектелген балдардын ден соолугун коргоо күнүнө карата Өзгөндъгү технология жана билим берүү институтунун студенттери Мырза-Аке айылдык аймагында жайгашкан М.Разаков атындагы мектеп-интернатында кайрымдуулук акциясын уюштурушту. Атын атаса куту сүйүнөт дегендей, балдарга арналып даярдалган концерттик программа, белек-бечкектер жана жайылган сый дасторкон балдар дүйнөсүн байытып, алар үчүн эстен чыккыс кубаныч тартуулады. Кайрымдуулук иш чарасын уюштурууда Өзгөн технология жана билим берүү институтунун жана мектеп-интернаттын педагогикалык жамаатынын орду чоё. Эё негизгиси, мектеп окуучулары менен институттун студенттеринин ортосундагы эки тараптуу байланыштарды чыңдоонун пайдубалы түптөлдү.
«Сулайман-Тоо» улуттук тарыхый-археологиялык музей комплексине караштуу Өзгөндөгү филиалындагы жерине мамлекеттик акт берилди
2013-жылдын ноябрь айында «Сулайман-Тоо» улуттук тарыхый-археологиялык музей комплексинин филиалы болгон Өзгөн шаарындагы археологиялык-архитектуралык музей комплексине жагымдуу иш болду. Анткени мамлекеттик актыда аянты 3,83 гектар болгон жер толугу менен мөөнөтсүз колдонууга музейдин карамагына өткөрүлүп берилди.
Өткөндөрдү эскерүү – тирүүлөрдүн милдети
Ооган согушу ХХ кылымдын 1989-жылдарында болуп өтсө да ушул күнгө чейин өзүнүн кесепеттерин унуттурбай келет. СССР деген улуу державада жашаган 15 республиканын ар биринен жоокерлер Ооган жеринде интернационалисттик милдетин өтөп келишкен. Канчасынын сөөгү темир табытта келбеди дейсиң. Канчалаган кырчын өмүрлөр кыйылып, канчалаган эне зар какшап, көз жаш төгүп, кан жутту. Ооган апааты ушундай унутулбас дак калтырып кетти.
